किल्लेधारूर दि.५(वार्ताहर) तालुक्यातील आंबेवडगाव येथील एका संशयिताचे स्वॕब काल पाठवण्यात आले होते. सदरील स्वॕब पॉझिटीव्ह आल्याने पुन्हा खळबळ माजली आहे.
मुंबईहून परतलेल्या एका संशयिताचे स्वॕब काल दि.४ रोजी केज उपजिल्हा रुग्णालयातून पाठवण्यात आले होते. आज जिल्ह्यातून ३० स्वॅब पाठविण्यात आली होती. यातील आंबेवडगाव येथील ६५ वर्षीय इसमाचा समावेश आहे. जिल्ह्यातील ३० पैकी २९ नमुने निगेटिव्ह आले आहेत. तर धारुर तालुक्यातील आंबेवडगावच्या इसमाचे स्वॕब पॉजिटिव्ह आला आहे. यामुळे खळबळ माजली असुन परिसरात प्रतिबंधात्मक उपाययोजना करण्याची तयारी आरोग्य विभागाने सुरु केली असल्याची माहिती तालुका आरोग्य अधिकारी डॉ. सचिन शेकडे यांनी दिली.