पुणे दि.16 मार्च- आज मंगळवार दि.16 रोजी पुण्याच्या कॅम्प परिसरातील (Camp area in Pune) शिवाजी मार्केटला पहाटे चार वाजण्याच्या सुमारास भीषण आग (Fierce fire) लागून मार्केट मधील पंचवीस दुकाने जळून खाक झाली आहेत. तासाभराच्या अथक प्रयत्नांनंतर अग्निशमन दलाच्या (fire brigade) पथकाने आगीवर नियंत्रण मिळवले. सुदैवाने आगीत कोणतीही मनुष्यहानी झालेली नाही.
(Early morning firestorm in Pune; 25 shops burnt down)
पुण्यातील कॅम्प परिसरात (Camp area in Pune) छत्रपती शिवाजी मार्केट आहे. या मार्केटमध्ये बहुतेक मटण आणि चिकनची दुकाने आहेत. आज मंगळवारी पहाटे चार वाजण्याच्या सुमारास या मार्केटमधील एका दुकानास आग लागल्याची माहिती अग्निशमन दलाच्या (fire brigade) जवानांना मिळाली होती. त्यानंतर त्यांनी तातडीने घटनास्थळी धाव घेतली. परंतू तत्पुर्वीच आगीने रौद्र रूप धारण करत संपूर्ण मार्केटला भीषण आगीने (Fierce fire) घेरले.
या आगीत तब्बल पंचवीस दुकाने जळून भस्मसात झाली आहेत. या आगीत दुकानात असणाऱ्या कोंबड्या आणि बकऱ्यांचा आगीत होरपळून मृत्यू झाला आहे. आग विझवण्यासाठी अग्निशमन दलाचा आठ गाड्या घटनास्थळी दाखल झाल्या होत्या. तासाभराच्या अथक प्रयत्नांनंतर अग्निशमन दलाच्या जवानांनी आगीवर नियंत्रण मिळविण्यात यश मिळवले. ही आग नेमकी कशामुळे लागली याचे कारण समजू शकले नाही.