मुंबईः-दि.२४- सध्या साजरा होत असलेल्या नवरात्रोत्सव व दसरा सणाबाबत राज्य शासनाने उत्सव साध्या पध्दतीने साजरे करण्याच्या निर्देशानतर काल दि.२३ रोजी नवीन परिपत्रक काढत राज्य शासनाने दि.३० आक्टोंबर रोजी साजरी होत असलेल्या ईद ए मिलादुन्नबी साठी साध्या पध्दतीने साजरी करण्याचे निर्देश दिले आहेत.
गेल्या आठ महिन्यापासून देशात कोरोना रोगाने थैमान घातलेले आहे. कोरोना प्रादुर्भाव थांबवण्यासाठी केंद्र व राज्य सरकार विविध उपक्रम राबवित आहे. महाराष्ट्रात कोरोनाचा प्रादुर्भाव मोठ्या प्रमाणात झाल्यामुळे आजही अनेक निर्बंध लावलेली आहेत. गेल्या आठ दिवसांपासून सुरु असलेला नवरात्रोत्सव व उद्या साजरा होत असलेला दसरा सण अशाच निर्बंधात संपन्न होत आहे. राज्यात येत्या ३० आक्टोंबर रोजी इस्लामचे प्रेषीत मंहमद पैगंबर यांचा जन्मदीन ईद ए मिलादुन्नबी म्हणून उल्हासात साजरा होत आहे. परंतू राज्य शासनाने काल याबाबतीत परिपत्रक काढून कोविड-१९ चे सर्व नियम पाळून प्रतिकात्मक पध्दतीने मिरवणूक काढून साध्या पध्दतीने ईद साजरी करण्याचे निर्देश जारी केले आहेत.
(आपल्या परिसरातील घटना घडामोडी पाठवा अन स्वतः बातमीदार व्हा…. व्हाट्सअप क्रमांक 9421944568)