लातूर दि.26 जानेवारी – लातुर शहरात रविवारी घडलेल्या हत्या प्रकरणाचा (Murder Case) अखेर उलगडा झाला. पोलिसांनी या हत्या प्रकरणातील अल्पवयीन आरोपीला ताब्यात घेतलं असून त्यानं हत्येची कबुलीही दिली आहे. प्रसिद्धीच्या भावनेनं त्याचं चक्क मुळशी पॅटर्न सिनेमा (Mulashi Pattern) आणि मालिका पाहून हत्या केली असल्याचं पोलिसांनी म्हटलं आहे.
(Shocking revelation of youth murder; Acts made by watching movies and series.)
पोलिसांनी दिलेल्या माहितीनूसार, हत्या करण्यात आलेल्या रोहन उजळंबेशी त्याच्या मित्राचं भांडण झालं होतं. या भांडणाचा राग मनात ठेवून त्यानं धारदार शस्त्रानं रोहनवर जीवघेणा हल्ला केला. विशाल नगरमधील साई मंदिर चौकात सोबत आणलेल्या धारदार कोयत्याने मारेकरी मित्रानं रोहनवर फिल्मिस्टाईन पद्धतीने सपासप वार केले.
यानंतर गंभीररीत्या जखमी झालेल्या रोहनला शासकीय रुग्णालयात तातडीनं उपचारासाठी दाखल करण्यात आलं. पण तिथं त्याला डॉक्टरांनी मृत घोषित केलं होतं. रोहनच्या भरदिवसा करण्यात आलेल्या हत्येमुळे लातुर शहरात (Latur) एकच खळबळ उडाली होती.
अखेर आता पोलिसांनी मोठ्या शिताफीनं मारेकऱ्यांना पकडलं असून मारेकऱ्यांनी पोलिसांना दिलेला जबाबही हादरवणारा आहे. अप्पर पोलिस अधीक्षक (Upper Superintendent of Police) अनुराज जैन यांनी आरोपीनं दिलेल्या कबुलीबाबत माहिती दिली आहे.
भांडणाची खुन्नस ठेवून काढला काटा…
रोहन उजळंबे हा बारावीमध्ये शिकणारा विद्यार्थी होता. बारावी कॉमर्सला शिकणाऱ्या रोहनचे आपल्याच मित्रांसोबत भांडण झालं होतं. काही दिवसांपूर्वी झालेल्या या भांडणातून रोहननं नंतर वाद मिटवलाही होता. आपण दोन मित्र आहोत, असा विश्वास रोहनला मित्राने दिला होता. मित्राच्या बोलण्यावर रोहननंही सुरुवातील विश्वास ठेवला. पण मित्राच्या मनात भलताच राग दाटून होता.
भांडणाची खुन्नस काढण्याच्या हेतून त्यांनं रोहनचा काटा काढण्यासाठी त्याचा खून करण्याचा विचार मारेकरी मित्राच्या मनात घोळत होते. अखेर रोहनची रविवारी सकाळच्या सुमारास भरदिवसा लातूर शहरात धारदार शस्त्राने हत्या (Murder) करण्यात आली होती.
ट्रॅव्हल्समध्येच मुसक्या आवळल्या…
रविवारी झालेल्या या हत्याकांडानंतर पोलिस मारेकऱ्यांच्या मागावर होते. पण मारेकरी हे हत्या केल्यानंतर सोलापूर, पुणे (Pune) आणि इतर ठिकाणी भटकत होते. पोलिसांना गुंगारा देत मारेकऱ्यांनी आपण ठिकाण वारंवार बदलत ठेवत पोलिसांना गंडवण्याचा प्रयत्न केला. पण अखेर पोलिसांनी मोठ्या शिताफीनं मारेकऱ्यांना एका ट्रॅव्हल्समध्ये गाठलं. मारेकऱ्यांना पकडण्यासाठी पोलिसांनी चार पथकं तैनात केली होती. यानंतर पोलिसांना मारेकऱ्यांबाबत माहिती मिळाली.
पुण्याहून लातूरकडे जाणाऱ्या ट्रॅव्हल्समध्ये मारेकरी असल्याचं पोलिसांनी समजलं. या माहितीच्या आधारं पोलिसांनी (Police) संशयित आरोपींना ताब्यात घेतलं असल्याची माहिती पोलीस अधीक्षक (Superintendent of Police) निखिल पिंगळे यांनी दिली आहे. यानंतर आरोपींनी मुळशी पॅटर्न सिनेमा पाहून आणि मालिका पाहून प्रसिद्धीच्या हव्यासापोटी आपण हत्या केली, अशी कबुली दिल्याची माहिती पोलिसांनी दिली आहे.