केजमध्ये वाढ… बीड जिल्ह्यात आजचे कोरोना रुग्ण; पहा तालुका निहाय रुग्ण संख्या.

बीड दि.12 सप्टेंबर – बीड (Beed) जिल्हा प्रशासनाकडे आज 2350 अहवाल प्राप्त झाले आहेत. या पैकी 70 जणांचा कोविड-19 (covid-19) अहवाल पॉझिटीव्ह (positive) आला आहे. तर 2280 जण निगेटिव्ह आली आहेत. बीड जिल्ह्याची कोरोना बाधितांची कमी झालेली संख्या पुन्हा वाढ होत आहे. आज संशयित रुग्णांची तपासणी संख्या कमी असल्याने कालपेक्षा बाधितांची संंख्या वाढली आहे.

(Today’s number of corona patients in Beed district; See taluka wise statistics.)

तालुका निहाय आकडेवारी….
बीड-21, अंबाजोगाई-4, आष्टी-9, धारुर-1, गेवराई-2, केज-17, माजलगाव-3, परळी-0, पाटोदा-5, शिरुर-3, वडवणी-5 अशी आहे.

बीड जिल्ह्यात कोरोना बाधितांची संख्या आज 70 आहे. गेल्या काही दिवसांपुर्वी पन्नासच्या आत आलेली संख्या चार दिवसात सतत वाढत आहे. दि.6 (45), दि.7 (38), दि.8 (41), दि.9 (57) दि.10 रोजी 79 तर आज 70 आहे. आज संशयित रुग्णांची तपासणी कमी तर बाधितांची संख्या 70 हि तुलनेने अधिक आहे.

दरम्यान, राज्यात आज 3075 नवीन कोरोनाबाधित रुग्णांची नोंद झाली आहे.तर 3 हजार 056 रुग्ण कोरोनामुक्त झाले आहे. राज्यात आतापर्यंत 63 लाख 02 हजार 816 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97. 05 टक्के आहे.

राज्यात आज 35 रुग्णांच्या मृत्यूची नोंद झाली आहे. त्यामुळे राज्याचा मृत्यूदर 2.12 टक्के झाला आहे. राज्यात सध्या 49 हजार 796 रुग्णांवर उपचार सुरु आहेत. पुणे जिल्ह्यात सध्या सर्वात जास्त 12, 949 अॅक्टिव्ह रुग्ण आहेत. राज्यातील एकूण 16 जिल्ह्यात अॅक्टिव्ह रुग्णसंख्या 100 च्या खाली आहे.