अनोखा उपक्रम… आता दारु खरेदी करण्यासाठी लागणार लसीकरण प्रमाणपत्र.

निलगिरी दि.4 सप्टेंबर – निलगिरी (Nilgiri) जिल्ह्यात जिल्हाधिकाऱ्यांनी कोरोना लसीकरणाला (vacccination) प्रेरित करण्यासाठी अनोखा नियम लागू केला आहे. ज्या लोकांनी कोरोना लसीचे दोन्ही डोस घेतले आहेत तेच सरकारी दुकानातून दारू खरेदी करू शकतील, हे पाऊल रहिवाशांना लसीकरणासाठी प्रेरित करण्याच्या मोहिमेचा भाग आहे असे जिल्हाधिकारी दिव्या म्हणाल्या.

(Unique activity … Now you will need a vaccination certificate to buy alcohol.)

तामिळनाडूतील निलगिरीच्या रहिवाशांना सरकारी ठेक्यातून दारू खरेदी करायची असेल, तर त्यांना आधी कोरोना लसीचे (Corona vaccine) दोन्ही डोसचे सर्टिफिकेट (certificate) दाखवावे लागेल. जिल्हाधिकारी दिव्या म्हणाल्या की, जिल्ह्यातील सुमारे 97 टक्के लोकसंख्येला पहिल्या किंवा दुसऱ्या लसीचा डोस देण्यात आला आहे.

वास्तविक, लसीकरणाबाबत येथे सर्व प्रकारच्या अफवा आणि चुकीची माहिती पसरली आहे. यावर मात करण्यासाठी येथील अधिकाऱ्यांनी लसीकरणाबाबत जनजागृती मोहीमही सुरू केली. लोकांना लसीकरण करून या मोहिमेचा एक भाग होण्याचे आवाहन करण्यात आले. परंतु लोक अजूनही लस घेण्यापासून अंतर ठेवत आहेत.

जिल्हाधिकारी (collector) दिव्या म्हणाल्या की आम्ही कोविड पोर्टल अपडेट करत आहोत. आम्हाला माहिती मिळाली आहे की काही लोकांनी सांगितले की ते दारूचे सेवन करतात आणि लस घेण्यास तयार नाहीत. त्यांना लसीकरण करण्यासाठी, ज्याला दारू खरेदी करायची आहे, त्याने प्रथम लसीकरणाचे प्रमाणपत्र दाखवावे, असा निर्णय घेण्यात आला आहे. TASMAC आउटलेटवर दारू खरेदी करण्यासाठी, लसीकरण प्रमाणपत्रासह आधार कार्ड (Aadhar card) सादर करणे आवश्यक आहे.

तामिळनाडूमधील (Tamilnadu) नीलगिरी हे आपल्या नैसर्गिक सौंदर्यासाठी खूप प्रसिद्ध आहे. येथे मोठ्या संख्येने पर्यटक येतात. लॉकडाऊनमुळे (lockdown) येथील पर्यटन क्षेत्राला मोठा फटका बसला आहे. पण आता हळूहळू प्रशासनाने पर्यटन खुले करण्यास सुरुवात केली आहे. या आठवड्यापासून पर्यटकांच्या संख्येत लक्षणीय वाढ झाल्याचे दिसून आले आहे.