हा बिबट्या तोच का?…आज होईल पुढील कारवाई

बीडः दि.१९- बिबट्याला ठार मारल्यानंतर नरभक्षक ठरलेल्या बिबट्या (Leopard) हाच होता का असा प्रश्न आता उपस्थित केला जात आहे. काल सांयकाळी ६ च्या सुमारास तब्बल २० तास धावपळ केल्यानंतर वनविभागाच्या पुण्याच्या (Pune) पथकातील शार्प शुटर धवलसिंह मोहिते यांनी आपल्या गोळीने करमाळा (Karmala) तालुक्यातील वांगी परिसरात बिबट्याला (Leopard) ठार केले.

बीड (Beed) सह अहमदनगर आणि सोलापूर जिल्ह्यात दहशत माजवलेल्या बिबट्याने १६ नोव्हेंबरला पहिल्यांदा आपेगाव शिवारात शिकार करत एका ५० वर्षीय इसमाला ठार केले होते. त्यानंतर आपेगाव आणि पाथर्डी शिवारात बिबट्याने धुमाकूळ घातला. यानंतर २२ ते २९ नोव्हेंबर च्या काळात या बिबट्याने बीड (Beed) जिल्ह्यात सहा ठिकाणी हल्ले केले. यात ३ जनांचा बळी तर तीन गंभीर जखमी झाले होते. या बिबट्याने करमाळा (Karmala) तालुक्यात ही धुमाकूळ घालण्यास सुरू केल्यानंतर सहा डिसेंबर रोजी राज्याच्या मुख्य वनसंरक्षक यांनी या बिबट्याला (Leopard) जेरबंद करणे किंवा ठार मारण्यासाठी आदेश काढले होते. तेव्हापासून वन विभागाची पुणे (Pune), औरंगाबाद, जुन्नर, सोलापूर येथील पथके बिबट्याच्या मागावर होते. बिबट्याला शेवटी करमाळा (Karmala) तालुक्यातील बिटरगाव परिसरात पाहिल्या मुळे त्याच भागाला आपले लक्ष्य केले होते. मात्र सातत्याने वन विभागाच्या (Forest Department) सर्व प्रयत्नांना बिबट्या गुंगारा देत होता. शेवटी काल त्याचा अंत झाला. मात्र ठार झालेला बिबट्या तोच का? या प्रश्नाचे अंतिम उत्तर मिळायला किमान एक ते दीड महिना लागेल. प्रयोगशाळेतून बिबट्याच्या डिएनए (DNA) चा अहवाल आल्यानंतर त्यावर अधिकृत शिक्कामोर्तब होईल. या बिबट्याच्या पावलांचे घेण्यात आलेले ठसे त्याची लांबी रुंदी बिबट्यांच्या नखाचा आकार आणि बिबट्याचा आढळलेला अधिवास यावरून हा तोच आज बिबट्या होता या वन विभागाच्या (Forest Department) ग्रहितकावर विश्वास ठेवणे भाग आहे.

आज होणार पुढची कारवाई…

मागील महिनाभरापासून तीन जिल्ह्यात दहशत माजवलेल्या बिबट्याला ठार मारण्यात आल्याने सामान्यांनी सुटकेचा श्वास सोडला असला तरी वन विभागासाठी मात्र पुढची कारवाई प्रचंड दक्षतेची आहे. कोणत्याही वन्य जीवाला अशाप्रकारे ठार केल्यानंतर त्याची विल्हेवाट लावण्याची प्रक्रिया किचकट असते. ठार झालेल्या बिबट्याचे स्वॅब घेऊन ते सीसीएमबी या प्रयोगशाळेत डिएनए (DNA) तपासणीसाठी पाठविले जाणार आहे. पशुवैद्यकीय अधिकाऱ्यांच्या समक्ष पंचनामा केला जाईल. यात बिबट्याची लांबी, रुंदी, दातांचा आकार, दातांची संख्या, नखे आदींची सविस्तर मोजमापे नोंदविली जातील. पंचनाम्यानंतर वन्यजीव मानद म्हणून नियुक्त करण्यात आलेल्या एका व्यक्तीच्या आणि पशुवैद्यकीय अधिकाऱ्यांच्या समक्ष वनविभागाचे (Forest Department) अधिकारी या बिबट्याला जाळतील.