मोटार सायकल अपघातात युवक ठार
माजलगाव दि.२६: माजलगाव ते परभणी रस्त्यावर दुग्गड पेट्रोल पंपा जवळ मोटार सायकल अपघातात (Accident) युवक ठार झाल्याची घटना शुक्रवारी रात्री ७.३० वा. दरम्यान घडली. घटनास्थळी पोलिसांनी (Police) भेट देवुन पंचनामा केला.
माजलगाव (Majalgoan) तालुक्यातील शुक्लतिर्थ लिमगाव येथील अमोल काबुराव हांडे (वय २७) हे आपले काम आटोपून माजलगाव कडून शुक्लतिर्थ लिमगावकडे मोटार सायकल ने जात होते. या दरम्यान माजलगाव ते परभणी या रस्त्यावर दुगड पंपा नजिक उस वाहतूक करणाऱ्या बैल गाडीला धडक झाल्याने अपघात (Accident) झाला. यामध्ये अमोल हांडे हे जागीच ठार झाल्याची घटना शुक्रवारी रात्री ७.३० वाजता घडली. दरम्यान अपघातस्थळी माजलगाव ग्रामीण पोलिस (Police) ठाण्याचे पोलिस उपनिरीक्षक सोमनाथ नरके यांच्यासह कर्मचाऱ्यांनी धाव घेतली. घटनेचा पंचनामा करुन मयत युवकाचे प्रेत शवविच्छेदनासाठी माजलगाव (Majalgoan) ग्रामीण रुग्णालयात नेण्यात आले आहे.
