मॉर्निंग वॉकला गेलेल्या दोन सख्ख्या बहिणी बेपत्ता… केज तालुक्यातील घटना
केज दि.१२ – घरातून सकाळी मॉर्निंग वॉकला (Morning Walk) गेलेल्या दोन सख्ख्या बहिणी बेपत्ता झाल्याची घटना केज तालुक्यात घडली असून केज पोलिसात (Kaij Police) या घटनेची नोंद करण्यात आली आहे.
केज तालुक्यात दोन सख्ख्या बहिणी दि.१२ फेब्रुवारी रोजी मॉर्निंग वॉकला (Morning Walk) म्हणून घरातून बाहेर पडल्या. बाहेर गेलेल्या मोठ्या मुलीचे वय २१ तर लहान्या मुलीचे वय १८ वर्ष आहे. त्या लवकर घरी परत न आल्यामुळे त्यांच्या आई वडिलांनी नातेवाईक व इतरांकडे चौकशी केली. परंतु त्या कुठेही मिळून आल्या नाहीत. मोठ्या मुलीची उंची ५ फूट ६ इंच असून रंग गोरा, मध्यम बांधा, अंगात पांढऱ्या रंगाचा नाईट ड्रेस व पायात रनिंग शूज आहेत. तर लहान मुलीची उंची ४ फूट ६ इंच, रंग गोरा, मध्यम बांधा, अंगात लाल रंगाचा नाईट ड्रेस व पायात रनिंग शूज आहेत. या मुली बेपत्ता असल्याची फिर्याद त्यांच्या वडिलांनी केज पोलीस (Kaij Police) स्टेशनला दिली असून पोलीस निरीक्षक प्रदीप त्रिभुवन यांच्या मार्गदर्शनाखाली चिंचोली माळी बिटचे पोलीस नाईक अमोल गायकवाड हे पुढील तपास करीत आहेत. या दोघी बहिणी कुणाला आढळून आल्या किंवा त्यांच्या बाबत काही माहिती मिळाली तर नजिकच्या पोलीस (Police) स्टेशनला किंवा केज पोलीस स्टेशनला संपर्क साधण्याचे आवाहन करण्यात आले आहे.
