चार तालुके निरंक तरीही बाधितांची संख्या वाढली… बीड जिल्ह्यात आजचे कोरोना रुग्ण.

बीड दि.9 सप्टेंबर – बीड (Beed) जिल्हा प्रशासनाकडे आज 2751 अहवाल प्राप्त झाले आहेत. या पैकी 57 जणांचा कोविड-19 (covid-19) अहवाल पॉझिटीव्ह (positive) आला आहे. तर 2694 जण निगेटिव्ह आली आहेत. बीड जिल्ह्याची कोरोनामुक्तीकडे वाटचाल असली तरी कोरोना मृत्यू दर चिंताजनक आहे. सोमवारी पुन्हा तिन बाधितांच्या मृत्यूची नोंद झाली आहे.

(Today’s number of corona patients in Beed district; See taluka wise statistics.)

तालुका निहाय आकडेवारी….
बीड-11, अंबाजोगाई-0, आष्टी-23, धारुर-0, गेवराई-2, केज-8, माजलगाव-0, परळी-0, पाटोदा-6, शिरुर-1, वडवणी-6 अशी आहे.

बीड जिल्ह्यात कोरोना बाधितांची समाधानकारक आकडेवारीत आज काहीशी वाढ झाली आहे. चार तालुके शुन्यावर असून आष्टी तालुक्यात सर्वाधिक 23 रुग्ण आढळून आली आहेत.

दरम्यान, महाराष्ट्रात बुधवारी 4,174 नवीन कोरोना बाधित (Corona Positive) रुग्णांची नोंद झाली आहे. तर 4 हजार 155 रुग्ण कोरोनामुक्त झाले आहे. राज्यात आतापर्यंत 63 लाख 8 हजार 491 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97. 09 टक्के आहे.

राज्यात आज 65 रुग्णांच्या मृत्यूची नोंद झाली आहे. त्यामुळे राज्याचा मृत्यूदर 2.12 टक्के झाला आहे. राज्यात सध्या 47 हजार 880 रुग्णांवर उपचार सुरु आहेत. पुणे जिल्ह्यात सध्या सर्वात जास्त 12, 364 अॅक्टिव्ह रुग्ण आहेत. राज्यातील एकूण 17 जिल्ह्यात अॅक्टिव्ह रुग्णसंख्या 100 च्या खाली आहे.