माजलगाव दि.23 एप्रिल – सगळे झटले पण दादा नाही हटले… ही टॕगलाईन सध्या व्हॉटसॲप वर दिसून येत आहे. कारण आहे माजलगाव खरेदी विक्री संघात राष्ट्रवादी काँग्रेस पक्षाचे ( NCP) आमदार प्रकाश सोळंके (Prakash Solabke) यांनी मिळवलेल्या यशाचे.
( Prakash Solanke … Everyone tried but Dada did not move… )
माजलगाव खरेदी विक्री संघाच्या 18 जागापैकी आतापर्यंत राष्ट्रवादी काँग्रेसचे 15 उमेदवार विजयी झाले आहेत. कोविड मुळे 2 वर्ष उशिरा झालेल्या या निवडणुकीत भाजपाला (BJP) चमत्काराची अपेक्षा होती. मात्र मागील 3 दशकापासून राष्ट्रवादी काँग्रेसचे (NCP) आमदार प्रकाशदादा सोळंके यांचे वर्चस्व असलेल्या माजलगाव खरेदी विक्री संघाच्या निवडणुकीत पुन्हा एकदा आ. प्रकाशदादा सोळंके यांनी विरोधकांना आस्मान दाखवले आहे. खरेदी विक्री संघाच्या आजच्या निकालाचे परिणाम अवघ्या चार दिवसावर असलेल्या कृषि उत्पन्न बाजार समितीच्या निवडणूकीत दिसणार आहेत. खरेदी विक्री संघासह कृषी उत्पन्न बाजार समिती निवडणूक भाजपाच्या (BJP) रमेश आडसकर, मोहन जगताप व नितिन नाईकनवरे यांनी प्रतिष्ठेची केली आहे.
