कोरोना वॉर्डमध्ये भीषण आग; 52 रुग्णांचा होरपळून मृत्यू.
नवी दिल्ली (वृत्तसंस्था) दि.13 जुलै – रुग्णालयातील कोरोना वॉर्डमध्ये भीषण आग लागल्याची घटना घडली आहे. या आगीत 52 रुग्णांचा होरपळून मृत्यू झाला असून अनेक जण गंभीर जखमी झाल्याची माहिती मिळत आहे. इराक (Iraq) मधील रुग्णालयाच्या कोरोना व्हायरस (Corona virus) आयसोलेशन वॉर्ड (Isolation Ward) मध्ये लागलेल्या आगीत कमीत कमी 52 जणांचा मृत्यू झाला आहे.
(Fierce fire in Corona ward; 52 patients died on the spot.)
जगभरात कोरोनाचा कहर पाहायला मिळत आहे. रुग्णांच्या संख्येने तब्बल 18 कोटींचा टप्पा पार केला असून लाखो लोकांना आपला जीव गमवावा लागला आहे. याच दरम्यान अनेक धक्कादायक घटना घडत आहेत. रात्री अशीच एक भयंकर घटना इराकमध्ये (Iraq) घडली आहे.
गेल्या तीन महिन्यांत कोरोना आयसोलेशन वॉर्ड (Isolation Ward) मध्ये आग लागल्याची ही दुसरी घटना आहे. नसीरिया (Nasiriya) च्या अल-हुसैन रुग्णालयामध्ये (Al-Hussein hospital) भीषण आग लागली असून आगीवर नियंत्रण मिळवण्यासाठी शर्थीचे प्रयत्न सुरू आहे. ऑक्सिजन टँकचा विस्फोट झाल्याने आग लागल्याचं म्हटलं जात आहे.
स्थानिक आरोग्य प्राधिकरणाचे प्रवक्ते हैदर अल-जामिली यांनी मंगळवारी सकाळी दिलेल्या माहितीनुसार, 52 जणांचे मृतदेह बाहेर काढले गेले आहेत. तर अनेक जण जखमी झाले आहेत. आगीमुळे संपूर्ण कोविड वॉर्डचं प्रचंड मोठं नुकसान झालं आहे. आगीत होरपळून अनेकांचा मृत्यू झाला आहे.
इमारतीमध्ये अजूनही बरेच लोक अडकल्याची भीती आहे. या वॉर्डमध्ये 70 बेड्स होते. आरोग्य सूत्रांनी रॉयटर्सला दिलेल्या माहितीनुसार, मृतांचा आकडा वाढण्याची दाट शक्यता आहे. कारण बरेच रुग्ण अजूनही बेपत्ता आहेत. मृतांमध्ये दोन आरोग्य कर्मचाऱ्यांही समावेश आहे.
