अखेर 18 ते 44 वयोगटाच्या लसीकरणास ब्रेक; आरोग्य मंत्री राजेश टोपे यांची माहिती.

मुंबई दि.11 मे – राज्यात कोरोना विषाणू (Corona Virus) संसर्ग रोखण्यासाठी लसीकरणावर भर दिला जात आहे. पण लशीचा साठा उपलब्ध नसल्यामुळे अनेक लसीकरण (Vaccination) केंद्र बंद पडली आहेत. त्यामुळे 18 ते 44 वयोगटासाठी लशी या 45 वर्षांपुढील व्यक्तींना दिली जाणार आहे, अशी माहिती आरोग्य मंत्री राजेश टोपे (Rajesh Tope) यांनी दिली आहे.

(Finally a break to vaccination for 18 to 44 year olds; Information from Health Minister Rajesh Tope.)

राजेश टोपे यांनी मुंबई पत्रकार परिषद घेऊन राज्यातील कोरोना परिस्थितीबद्दल केलेल्या उपाययोजनेची माहिती दिली. राज्यात अॅक्टिव्ह केस कमी होत आहेत. बरे होण्याचा दर ही वाढत आहे. 2 लाख टेस्टिंग राज्यात केले जात आहे. व्हॅक्सिसीन 1 कोटी 84 लाख झाले आहे.

आता 35 हजार कोव्हॅक्सिन (Covaxin) उपलब्ध आहे. राज्य शासनाने खरेदी केलेली 3 लाख कोव्हॅक्सिन (Covaxin) 45 वर्षांवरील व्यक्तींना दिले जाणार आहे, त्यांना दुसरा डोस देणे गरजेचं आहे. त्यामुळे हे डोस 45 पुढील वयोगटांना दिले जाणार आहे, असं राजेश टोपे (Rajesh Tope) यांनी स्पष्ट केलं.

वय 18 ते 44 या वयोगटातील लस (Vaccine) देण्याचे जाहीर केले होते. पण लशीचा साठा कमी प्रमाणात उपलब्ध आहे. ज्यांना दुसरा लशीचा डोस दिला नाही तर पहिला डोस हा वाया जाऊ शकतो. म्हणून 18 ते 44 या वयोगटातील लशीचा (Vaccine) साठा हा 45 वरील वयोगट यासाठी वळवण्यात आला आहे.

मुख्यमंत्री उद्धव ठाकरे यांच्यासोबत या विषयावर फोनवर चर्चा केली आहे. त्यामुळे 18 वर्षांवरील लसीकरणाचा (Vaccination) वेग काही दिवस स्लो डाउन करावा लागेल, टास्क फोर्स समवेत चर्चा करून कॅबिनेटशी चर्चा करून निर्णय घेतला जाणार, असंही टोपे यांनी स्पष्ट केले.

म्युकोरमायकोसिस बाबत काही जिल्ह्यात हे रूग्ण आढळत आहेत. सरकारी रूग्णालयात महात्मा फुले जनआरोग्य योजने अंतर्गत उपचार मोफत केले जाणार आहे. त्यासाठी लागणाऱ्या औषधाचा खर्च राज्य सरकार उचलणार आहे, असंही टोपेंनी जाहीर केलं.