‘मजनू’ लवकरच प्रेक्षकांच्या भेटीला… चित्रपटाचे मोशन पोस्टर लाँच.
मुंबई दि.12 डिसेंबर – मराठी चित्रपट आणि प्रेमकथा यांचे एक वेगळे समीकरण आहे. नव्या वर्षात एक हटके प्रेमकथा प्रेक्षकांच्या भेटीला येणार असून ‘ मजनू’ असे या चित्रपटाचे नाव आहे. सोनाई फिल्म क्रिएशन निर्मित ‘मजनू’ चित्रपटाचे चित्रीकरण पूर्ण झाले आहे. लवकरच हा ‘मजनू’ प्रेक्षकांच्या भेटीला येणार आहे. नुकताच या चित्रपटाचा पोस्टर आणि मोशन पोस्टर लाँच (Motion poster launch) सोहळा मुंबईत संपन्न झाला.
(‘Majnu’ to hit the screens soon … Movie Motion Poster Launch.)
शिवाजी दोलताडे दिग्दर्शित ‘मजनू’ या चित्रपटात ‘लागीर झालं जी’ फेम अभिनेता नितीश चव्हाण, अभिनेता (Actor) रोहन पाटील (Rohan Patil) आणि अभिनेत्री स्वेतलाना अहिरे प्रमुख भूमिकेत दिसणार आहेत. अभिनेते रोहन पाटील यांनी नुकतीच धारुर (Dharur) जि.बीड येथील नर्मदा उद्योग समुहाला भेट दिली. यावेळी रोहन यांनी ‘मजनू’ हा तरुणाईच्या महाविद्यालयीन जीवनावर आधारीत कथानक असून या चित्रपटास तरुणवर्ग चांगली पसंती देतील अशी अपेक्षा व्यक्त केली.
चित्रपटाचा पोस्टर आणि मोशन पोस्टर लाँच
‘मजनू’ (‘Majnu’) चित्रपटाच्या पोस्टरमध्ये नितीश चव्हाण हा रुबाबदारपणे घोड्यांच्या मध्ये धावत आहे. तर रोहन पाटील आणि स्वेतलाना अहिरे हे एकमेकांसोबत दिसत आहेत. अतिशय लक्षवेधी असलेल्या पोस्टरमुळे या चित्रपटाबद्दल उत्सुकता ताणली गेली आहे.
‘मजनू’ बद्दल बोलताना दिग्दर्शक शिवाजी दोलताडे म्हणाले की, ‘मजनू’ हे एक ग्रामीण बाज असलेल्या निमशहरी भागातील कथानक आहे. हळुवारपणे फूलणाऱ्या प्रेमकथे (Love Story) सोबतच प्रेक्षकांना उत्कंठावर्धक सस्पेन्स बघायला मिळणार आहे. ‘मजनू’ची कथा, पटकथा आणि संवाद गोवर्धन दोलताडे यांचे असून चित्रपटात नितीश चव्हाण, रोहन पाटील, स्वेतलाना अहिरे, सुरेश विश्वकर्मा, मिलिंद शिंदे, अरबाज शेख, प्रणव रावराणे, आदिती सारंगधर, माधवी जुवेकर, भक्ती चव्हाण यांच्या महत्वपूर्ण भूमिका आहेत.
‘मजनू’ ला संगीतकार पी. शंकरम, सचिन अवघडे, साजन – विशाल यांचे संगीत लाभले आहे तर चित्रपटातील गीतांना इंडियन आयडॉल फेम (Indian Idol) सलमान अली, आदर्श शिंदे, संदीप उबाळे, बेला शेंडे, आनंदी जोशी व विशाल चव्हाण यांचा स्वरसाज लाभला आहे. संकलन चेतन सागडे यांचे, कला दिग्दर्शन महेश कोरे, डिओपी एम. बी.अळ्ळीकट्टी तर कोरिओग्राफर (Choreographer) हाईट मंजू आहेत. ‘मजनू’ हा चित्रपट लवकरच संपूर्ण महाराष्ट्रात प्रदर्शित होणार आहे.
