किल्लेधारूर दि.2 सप्टेंबर – धारूर आगारातील बसमध्ये प्रवाशावर जीवघेणा प्रसंग ओढावला. औरंगाबादहून धारूरकडे (Aurangabad – Dharur) येत असलेल्या बसमध्ये एका प्रवाशाला हृदयविकाराचा धक्का (heart attack) आला. गाडीचे चालक व वाहकाने तत्परता दाखवत प्रवाशाला तात्काळ बीड (Beed) जिल्हा रुग्नालयात दाखल केल्याने या प्रवाशाचे प्राण वाचले. बस (ST Bus) कर्मचाऱ्यांच्या या तत्परतेचे सर्वत्र कौतूक होत आहे.
( A fatal incident happened to a passenger in a bus in Dharur depot. )
दि.31 अॉगस्ट बुधवार रोजी धारूर आगाराची बस क्रमांक एम. एच. 06 एच 8480 ही औरंगाबादहून धारुरकडे येत होती. दुपारी साधारण 2 वाजण्याच्या सुमारास बस बीडहून धारूरकडे धावत असताना बीड येथील छत्रपती शिवाजी महाराज चौकात एक प्रवासी मोहन मिलिंद मस्के रा.वैद्यकिन्ही (वय 65 वर्षे) यांना छातीत वेदना होऊन हृदयविकाराचा धक्का आला. चालक व वाहक यांनी बस त्वरित जिल्हा रुग्णालयात बीड येथे नेऊन सदर प्रवाशाला रुग्णालयात दाखल केले.
चालक व वाहकाच्या प्रसंगावधानामुळे सदर प्रवाशाला वेळेत तात्काळ उपचार मिळाले. यामुळे प्रवाशावर आलेल्या जीवघेण्याप्रसंगातून जीवदान मिळाले. बसचे चालक अ. बा. गाडगे (चा.क्र. 732) व वाहक श्रीमती सं. दि. कांबळे (वा. क्र. 779) यांनी दाखवलेल्या तत्परतेचे कौतूक होत आहे. याबाबत आगार व्यवस्थापक (Depo Manager) शंकर स्वामी यांनी चालक व वाहकाच्या कामगिरीचे कौतूक करत त्यांचा आगारात सत्कार करणार असल्याचे सांगितले. धारुर आगारातील कर्मचाऱ्यांनी आगार प्रमुखांच्या मार्गदर्शनाखाली प्रचंड मेहनत घेवून नुकताच जिल्ह्यात उचांकी उत्पन्न घेत आगाराचा नावलौकिक मिळवला आहे.
