चक्क तहसिलदारासमोर तलाठी व मंडळ अधिकाऱ्यांना धक्काबुक्की
आष्टी दि.२०(प्रतिनिधी) आष्टी (Ashti) तालुक्यात दि.१९ शनिवारी तालुक्यातील टाकळसिंग शिवारात दिवसा ढवळ्या कडी नदीच्या पात्रातून वाळू उपसा करत असलेल्या वाहनावर धडक कारवाईसाठी गेलेल्या पथकातील मंडळधिकारी सिंघगवाड व तलाठी पवणे यांना तहसिलदारांसमोर वाळू माफियांनी शिवीगाळ करून धक्काबुक्की केल्याची घटना घडली. वाळू माफियांच्या विरोधात आष्टी पोलिसांत (Police) गुन्हा दाखल करण्यात आला आहे.
याबाबत पोलिसांकडून मिळालेली अधिक माहिती अशी की, आष्टी (Ashti) तालुक्यातील हिंगणी परिसरात असलेल्या कडी नदीच्या पात्रातून दि.१९ शनिवारी दुपारी तीन वाजता अवैध वाळू उपसा करत असल्याची गुप्त माहिती तहसिलदार श्रीमती शारदा दळवी यांना कळाली. गुप्त माहितीच्या आधारे स्वतः तहसिलदार शारदा दळवी यांच्यासह टाकळसिंग, मंडळाधिकारी शिवशंकर सिंघनवाड, मंगरुळ सजाचे तलाठी ए.जी.पवणे, पोखरी सजाचे शरद पाटील व ब्रम्हगांव सजाचे तलाठी आकाश डोहे यासह कर्मचारी व अधिकारी दुपारी सव्वाचारच्या सुमारास घटनास्थळी गेले. यावेळी त्या ठिकाणी एक जेसीबी (JCB) व तीन टॅक्टर अनाधिकृृृत वाळू उपसा करत असल्याचे दिसून आले. पथकाला पाहताच त्यातील स्वराज कंपनीचा लाल रंगाचा टॅक्टर सुखदेव विठ्ठल दळवी रा.तिखी याने एक ब्रास वाळूसह पळविला, त्यानंतर त्या ठिकाणी असलेले जाॅनडियर कंपनीचा टॅक्टर व जेसीबी (JCB) ही पळवून नेला. त्यानंतर विना नंबरच्या सोनिलिका कंपनीचा टॅक्टर अडविले त्यामध्ये अंदाजे एक ब्रास वाळू होती. चालकास त्याचे नाव विचारले असता त्याने अक्षय पवार असे सांगितले व मालकाचे नाव शरद अनारसे रा.वाकी असे सांगितले. सदरील टॅक्टर आष्टी तहसिल कार्यालयात आणत असतांना आम्हाला टाकळसिंग येथील जगताप वस्ती जवळ दिंगाबर जगताप यांच्या घराजवळ आलो असता हिरो कंपनीची मोटार सायकल क्र. एमएच २३ एजी २०८२ ह्या मोटार सायकलवरून शरद खोटे व संदिप भाऊसाहेब कदम रा.दैठणा यांनी पथका समवेत वाद घालण्यास सुरूवात करत पवणे तलाठी यांना खाली ओढत धक्काबुक्की करत शिवीगाळ केली. तेव्हा फिर्यादी व तहसिलदार मॅडम त्यांच्याकडे पळत जावून तलाठी पवणे यांना कदम यांच्या ताब्यातून सोडविले. हि घटना घडत असतांना ट्रक्टर चालक अक्षय पवार याने एक ब्रास वाळूसह ट्रक्टर पळवून नेला. तसेच अगोदर असलेल्या जाॅनडियर कंपनीच्या ट्रक्टरचा फोटो काढला असता तो ट्रक्टरवरील चालकाचे नाव अक्षय गिताराम काळे असल्याचे समजले. वरील लोकांनी अवैध वाळू उपसा करत असतांना पथक कारवाई साठी गेलो असता सरकारी कामात अडथळा निर्माण करून,धक्काबुक्की करून,शिवीगाळ करून,अवैध वाळू भरलेले ट्रक्टर,जेसीबी पळवून नेले असल्याच्या विरुध्द मंडळधिकारी शिवशंकर सिंघनवाड यांच्या फिर्यादीने आष्टी पोलिसांत (Police) गुन्हा दाखल झाला आहे.
