बीडः रात्री अकरा वाजता आलेल्या अहवालात बीड जिल्ह्यात कोरोना पॉझिटीव्ह रुग्णांचा आकडा झपाट्याने वाढत असल्याचे दिसत असुन एकुण २६ पॉझिटीव्ह रुग्णांची भर पडली आहे. बीड शहरात तब्बल १६ पॉझिटीव्ह आढळली आहेत.
रात्री आलेल्या माहितीनुसार बीड शहरात तब्बल १६ परळी शहरात ५ नवीन पॉझिटीव्ह रुग्ण आढळली आहेत. याशिवाय गेवराईत ३, आष्टी व अंबाजोगाई येथे प्रत्येकी १ अशा २६ नवीन रुग्णांची भर पडली आहे. जिल्ह्यात सध्या मोठ्या प्रमाणात सामाजिक संक्रमण वाढत असल्याचे दिसत आहे. बीडमध्ये आढळून आलेल्या रुग्णात १२ रुग्ण खाजगी दवाखान्यातील डॉक्टर व कर्मचारी आहेत. यात १९ जन पॉझिटीव्ह रुग्णाच्या सहवासित किंवा संपर्कातील आहेत. आजच्या अहवालात १६ पुरुष तर १० महिला संक्रमित आहेत. जिल्ह्याचा पॉझिटीव्ह रुग्णांचा आकडा वाढून ३५४ झाला आहे. काल तीन कोरोना पॉझिटीव्ह रुग्णांचा मृत्यू झाल्यामुळे मृत्यू दर वाढत असल्याचे दिसत आहे.
