दुर्दैव … रस्त्याअभावी मुलीचा मृतदेह खांद्यावर नेण्याची वेळ; बीड जिल्ह्यातील संतापजनक घटना.

बीड दि.24 सप्टेंबर – आत्महत्या (Suicide) केलेल्या 18 वर्षीय मुलीचा मृतदेह वडिलांना खांद्यावर घेऊन जाण्याची दुर्दैवी वेळ वडीलांवर आल्याची घटना बीड (Beed) जिल्ह्यातील गेवराई (Gevrai) तालुक्यातील भोजगाव येथे उघडकीस आली आहे. काही दिवसांपूर्वी खराब रस्त्यामुळे एका महिलेला आपला जीव गमवावा लागल्याची घटना ताजी असताना हा प्रकार समोर आल्याने संताप व्यक्त होत आहे.

(Unfortunately … it’s time to carry the girl’s body on her shoulders due to lack of roads; Outrageous incidents in Beed district.)

गेवराईच्या भोजगावमध्ये आत्महत्या (Suicide) केलेला 18 वर्षीय मुलीचा मृतदेह (Dead Body) वडिलांना खांद्यावर घेऊन जाण्याची दुर्दैवी वेळ आली आहे. या प्रकाराने संताप व्यक्त केला जात आहे. मिळालेल्या माहितीनुसार, गेवराई तालुक्यातील भोजगावमधील महाविद्यालयीन शिक्षण घेणाऱ्या एका 18 वर्षीय तरुणीने गळफास घेऊन आत्महत्या केल्याची दुर्दैवी घटना घडली आहे.

निकीता दिनकर संत असं आत्महत्या केलेल्या तरुणीचे नाव आहे. मयत निकिता संत हिचा मृतदेह उमापूर येथील रुग्णालयात नेत असताना, भोजगाव परिसरातून वाहणाऱ्या अमृता नदीवरील पूल वाहून गेल्याने सुरुवातीला हा मृतदेह बैलगाडीतून घेऊन गेले. मात्र पुढे बैलगाडी देखील जात नसल्याने, चक्क नदी ओलांडण्यासाठी वडिलांना आपल्या मुलीचा मृतदेह खांद्यावर घेऊन जावा लागलाय.

गेल्या अनेक महिन्यांपासून पूल दुरुस्तीची मागणी करूनही पूल दुरुस्त केला नसल्याने ग्रामस्थांतून लोकप्रतिनिधींसह प्रशासनाच्या विरोधात संताप व्यक्त केला जात आहे. दरम्यान गेवराईच्या चोरपूरी येथील रस्त्याने महिलेचा बळी घेतल्याची घटना ताजी असतानाच या भोजगावच्या दुर्दैवी आणि संतापजनक घटना समोर आली आहे.