गावठी पिस्तुलासह दोघे पोलिसांच्या जाळ्यात
परळी : गावठी पिस्तूल आणि दोन जीवंत काडतुसासह एलसीबीच्या पथकाने भरदिवसा परळीत दोघांना ताब्यात घेतले. ही खळबळजनक घटना अग्रवाल लाॅजजवळ घडल्याचे सांगण्यात आले. रात्री उशिरा गुन्हा दाखल करण्यात आला.
याबाबत पोलिसांनी दिलेली माहिती अशी की, शहरातील अग्रवाल लाॅजजवळ दोघे जन गावठी पिस्तूल आणि काडतुसासह असल्याची एलसीबी पथकाला मिळाली. गुप्त माहिती आधेरे एलसीबी पथकाने तात्काळ कारवाई केली. ही घटना शुक्रवारी सायंकाळी घडली. ही कारवाई जिल्हा पोलीस अधीक्षक हर्ष पोद्दार, एलसीबीचे पोलीस निरीक्षक भारत राऊत यांच्या मार्गदर्शनाखाली पोलीस उपनिरीक्षक गोविंद एकिलवाले, जमादार भास्कर केंद्रे, मुंजा कुंवारे, विकास वाघमारे, नरेंद्र बांगर, रामदास तांदळे, चालक अतुल हराळे यांच्या पथकाने ही कारवाई केली. एलसीबीच्या पथकाने ज्ञानोबा मारोती गित्ते (गोट्या), आनंद जय अग्रवाल या दोघांना ताब्यात घेतले असुन परळी शहर पोलिसात रात्री उशिरा गुन्हा दाखल करण्यात आला.
